"Rəsmi Moskva Dağlıq Qarabağ məsələsində Azərbaycanın ədalətli mövqedə olduğunu bilir". Belə bir bəyanatla Azərbaycanın Rusiyadakı səfiri Polad Bülbüloğlu çıxış edib. ANS-ə müsahibə verən səfir bildirib ki, münaqişənin həlli istiqamətində irəliləyişə nail olmaq üçün qəti addımlar atmağın vaxtı çatıb.

"Real vəziyyətdən çıxış edərək son zamanlar Rusiyada müəyyən qüvvələr Azərbaycanın haqlı olduğunu başa düşür və bu istiqamətdə bizə yardım edir. Təbii ki, səfirliyin də gərgin işinin burada payı var və əlbəttə ki, bu işlər müəyyən bir nəticə verir. Necə deyərlər, ümid axırıncı ölür, amma şəxsən məndən soruşsanız, yəni mən şəxsən səfir olmasaydım, daha qəti addımlar atmağın vaxtının çatdığını deyərdim. Şəxsən mən belə hesab edirəm”,- deyə Azərbaycanın Rusiyadakı səfiri Polad Bülbüloğlu bildirib.

ANS PRESS