"“Euronews" telekanalı Dağlıq Qarabağ münaqişəsi və azərbaycanlı məcburi köçkünlər haqqında reportaj yayımlayıb. Videomaterialda məcburi köçkünlər üçün salınmış qəsəbələrdə həyat, qaçqınların vəziyyəti əks olunub.

Qeyd edək ki, reportajda Xocalı faciəsi barədə kadrlar da yer alıb. Kadrları "Euronews"a ANS telekanalı təqdim edib. 8 dəqiqəlik reportajda Ermənistanın Dağlıq Qarabağla yanaşı Azərbaycanın digər 7 rayonuna işğal etdiyi, BMT-nin 4 qətnaməsinə zidd olaraq öz qoşunlarını bu ərazilərdən çıxarmadığı qeyd olunub.

Xatırladaq ki, bir müddət əvvəl "Euronews" çəkiliş qrupu rəsmi Bakının icazəsi olmadan Dağlıq Qarabağa səfər edərək hazırladıqları reportajda separatçı qurumu müstəqil respublika kimi təqdim etmişdi. Bu, rəsmi Bakının sərt etirazına səbəb olmuşdu.

Daha ətraflı http://www.euronews.net/2010/02/01/forgotten-victims-of-a-frozen-conflict/  buradan baxa bilərsiniz.