Məhəmməd bəy Aşiq Behbud bəy oğlu Zəngilanlı 1776-cı ildə Zəngilanda anadan olub. Qarabağ xanlığının ruslar tərəfindən işğalından sonra Naxçıvanın Ordubad rayonuna getmış və ömrünün son illərini orada keçirmişdir. 1861-ci ildə orada vəfat etmişdir.
Məhərrəm Mahi (Alıyev) Rzaqulu oğlu 1924-cü ildə Zəngilan rayonunun Quyudərə Xəştab kəndində anadan olub. Gilətağ 7 illik və Xocahan orta məktəbini bitirib. Elə həmin il ehtiyac olduğu üçün (Böyük Vətən müharibəsi getdiyinə görə müəllimə ehtiyac var idı) oxuduğu orta məktəbdə dil-ədəbiyyat müəllimi təyin edilib. 1952-ci ildə ali məktəbi bitirib.Qubadlı və Zəngilan rayonlarında müəllim, direktor müavini, direktor və təhsil şöbəsində inspektor işləyib.
Hacı Seyid Miriş Seyid Həsən oğlu Bərgüşadlı (Hüseynov) 1931-ci ildə Zəngilan rayonunun Alıbəyli kəndində anadan olub. 1945-ci ildə 7-illik məktəbi, 1948-ci ildə Füzuli pedaqoji texnikomunu, 1953-cü ildə Ağdam Müəllimlər institutunu, 1960-cı ildə Dövlət Pedaqoji İnstitutunu bitirib. Müəllim, məktəb direktoru, rayon xalq maarif şöbəsində metodiki kabinetin müdiri işləyib.
Mürsəl Eyvaz oğlu Qocayev 1926-cı ildə Zəngilan rayonunun Sarallı Xəştab kəndində anadan olub.Gilətağ kənd orta məktəbini bitirib. 1948-ci ildə Azərbaycan Dövlət Pedaqoji İnstitutunu bitirib.
Əvəz Allahyar oğlu Rzayev 1938-ci ildə Zəngilan rayonunun Orta Yeməzli kındində anadan olmuşdur. Orta məktəbi bitirdikdən sonra Bakı şəhərində “Qızıl Şərq” mətbəəsində mürəttib peşəsinə yiyələnmiş və rayon qəzetində işə başlamışdır. 
Nəriman Salman oğlu Əliyev 15 may 1925-ci ildə Zəngilan rayonunun Tiri kəndində anadan olub. 1942-ci ildə Zəngilan kənd orta məktəbini bitirib. 1941-1945-ci illərdə Böyük Vətən müharibəsində iştirak edib. Müharibədə çoxlu sayda orden və medallarla təltif olunub. Müharibədən II qrup müharibə əlili kimi qayıdıb.
Oktay İsgəndər oğlu Zəngilanlı (Ələkbərov) 1939-cu ildə Zəngilan rayonunda anadan olub. 1962-ci ildə BDU-nun geologiya-coğrafiya fakültəsini bitirib. Uzun müddət Zəngilan rayonunun Mincivan qəsəbəsindəki 36 saylı məktəbdə müəllim işləyib. Hazırda Bakıda fəaliyyət göstərən Zəngilan məktəblərindən birində pedaqoji fəaliyyətini davam etdirir. 
1958-ci il iyunun 10-da Zəngilan rayonunun Vənətli kəndində anadan olmuşdur. Azərbaycan Dövlət Universitetinin jurnalistika fakültəsini və Bakı Sosial İdarəetmə və Politologiya İnstitutunu bitirmişdir. "Qızıl qələm" mükafatı laureatıdır. Bir neçə kitabın müəllifidir. 
Vaqif Qüdrət 1945-ci ildə Zəngilan rayonunun Alıbəyli kəndində anadan olub.Orta məktəbdə oxuduğu illərdə məktəb kitabxanasında kitabxanaçı, sonra kənd mədəniyyət evinin müdiri, 1970-ci ildən Azərbaycan dili və ədəbiyyatı müəllimi kimi fəaliyyət göstərib. 1972-ci ildə Azərbaycan Dövlət Universitetinin filologiya fakültəsini bitirib. Beşinci sinifdə oxuyan vaxtdan şer yazmağa başlayıb. Və ilk şeri məktəb divar qəzetində verilib. Sonradan şerləri rayon və respublika qəzetlərində çap olunmağa başlayıb. Qısa müddət olsa da Azərbaycan radiosunda işləyib. Vaqif Qüdrətin şerləri “Zəngilana gedən yollar”, “Bir ömür həsrət”, “Dünya o dünya deyil” kitablarında oxuculara təqdim olunub.
Azad Qaradərəli 1955-ci ildə Zəngilan rayonunu Qaradərə kəndində doğulub. İlk kitabı “Dumduru su” (hekayələr) 1987-ci ildə çap olunub. “Aşiqlər” (elmi-publisistik kitab: Məhəmməd bəy aşiq Zəngilani , Əbdüssəməd bəy Aşiq və Xosrov Cavanşir haqqında) adlı kitabı 1998-ci ildə işıq üzü görüb. “Ulartı” (1999) və “Dəhrə” (2004) hekayələr və radiopyeslər kitabları geniş oxucu marağına səbəb olub. “Əbədi işıq” (2004), “Nizaminin ulduzları” (2006), “Özül” (2006) və “Yol Mincivandan Amerikaya” (2007), "Zəngəzur qazisi Bəhlul Behcət" elmi publisistik kitabları son illərdə nəşr edilib.
Akif Vəli oğlu Kərimli 1958-ci ildə Zəngilan şəhərində anadan olub. 1975-ci ildə Zəngilan şəhər 1 saylı orta məktəbini bitirib. Bakı Energetika texnikomunu, Bədən Tərbiyəsi texnikomunu, Zaqafqaziya Komsomol Məktəbini, Azərbaycan Jurnalist Sənətkarlıq İnstitutunu və Azərbaycan Dövlət Bədən Tərbiyəsi və İdman Akademiyasını bitirib.
Məmmədyarlı Əli Surxay oğlu 1947-ci ildə Zəngilan rayonunun Genlik kəndində anadan olub. Ali təhsilli iqtisadçıdır. Əmək fəaliyyətinə Zəngilan rabitə qovşağında mühasib köməkçisi kimi başlayıb. Sonra Zəngilan rayonunda nəşr olunan “Kənd həyatı” qəzetində ədəbi işçi, Kənd təsərrüfatı Texnika-Birliyində baş iqtisadçı, rayon XDS İK-də Əmək müvəkkili, kənd təsərrüfatı məhsullarının satınalınması və keyfiyyəti üzrə rayon dövlət müfəttişi işləmiş və 1974-cü ildə həmin vəzifədən hərbi xidmətə getmişdir. 1975-ci ildə hərbi xidmətdən qayıtdıqdan sonra iki il rayon tikinti idarəsində baş iqtisadçı işləmişdir. 1978-ci ildə Daxili İşlər Nazirliyi sisteminə qəbul edilmiş və müxtəlif vəzifələrdə çalışmışdır. Polis mayorudur.
Əliağa Hacı Seyid Miriş oğlu Hüseynov 1957-ci il 1 avqustda Zəngilan rayonunun Alıbəyli kəndində andan olub. 8 illik təhsilini Alıbəyli kəndində aldıqdan sonra, Bakı şəhərindəki Kimya-Biologiya təmayüllü Respublika liseyində təhsilini davam etdirib. 1983-cü ildə Azərbaycan Dövlət Xalq Təsərrüfatı İnstitutunu bitirib. 
Salam Cavadlı 1950-ci ildə Zəngilan şəhərində anadan olub. Hələ məktəbdə oxuyarkən şerləri rayon qəzetində dərc olunub. Sonralar respublika mətbuatında şer və hekayələri ilə çıxış edib. Naxçıvan Dövlət Pedaqoji Universitetini və Jurnalist Sənətkarlığı İnstitutunu bitirib.
Təsisçi:
Novruz Qərib oğlu Məmmədzadə
Əlaqə telefonu:
(+994-50) 379 70 60
(+994-55) 379 70 60
(+994-70) 379 70 60
E-mail:
novruzgeriboglu@mail.ru
Novruz Qərib oğlu Məmmədzadə
Əlaqə telefonu:
(+994-50) 379 70 60
(+994-55) 379 70 60
(+994-70) 379 70 60
E-mail:
novruzgeriboglu@mail.ru